no!no!hair 隨身光滑神器
早前我提及過我的新玩具
(舊文連結), 可惜3月的工作排到密密麻麻, 連休息的時間都無, 現在終於清晒大部分的工作, 小休一下, 之後就要繼續博殺啦! 咁遲先開估真係唔好意思呢!
在此感謝no!no!hair 香港代理商送整套產品給我試用! 3月初收到產品, 試用左大概一個月先寫呢篇博文的! 簡單黎講, 呢部神器確係女士們的恩物! 點解全球賣出 500百萬部的產品, 現在先黎香港賣架?
*部分來過我工作室的客戶都已經親身試用過, 亦俾左唔同既意見!
主機為圖中的充電式主機, 有粉紅、銀白及黑色選擇!
使用時需要將機身跟皮膚成 90度, 透過專利的藍光熱力技術 Thermicon™, 令皮膚在無痛的情況下, 將毛髮碳化, 減慢毛髮生長, 以及令新長出來的毛髮愈生愈幼
配件包括:
大小機頭
細頭為面部、手指、腋下、比堅尼位專用 (細頭的最高熱力比大頭弱, 適合較細嫩的肌膚)
大頭為手臂、大腿小腿專用
機頭約用30-40次左右就需要更換, 而機身會顯示機頭的壽命
大小磨砂擦
磨砂擦可擦走已碳化的毛髮, 令皮膚更光滑
圖中顯示, 細磨砂擦粒子超幼, 適用於面部及較細嫩的肌膚
用後保濕滋潤乳
白色的乳液有助保濕、延緩新毛髮的生長速度
試用位置 - 唇毛及面毛
其他用相機影毛髮實在有點難度呢......不過今次真係獻出比素顏更真實的一面俾大家睇呢!
我本身屬於多毛一族, 面毛及唇毛也是挺多的, 平時我會去美容院做線面的, 撞巧已有一段時間沒去做線面, 有一堆唇毛已經出來啦!
由於呢部機需要在平面上便用, 我會用手將唇毛附近的位置輕輕拉平, 記著唔可以太大力架! 同埋最好係素顏時使用 (所以眼等位置都係唔好影俾大家睇比較好啦......)
放膽將部機向前推,
如圖所見, 機身向前推, 機頭就會伸出, 而發熱線亦會緊貼皮膚, 好快就會聞到一陣燒焦味, 意味著已成功令毛髮碳化
由於毛髮會向多個方向生長, 所以使用要向左、向右、向上及向下移動, 務求令唔同方向生長的毛髮都可以俾發熱線掃過
看到大部分的毛髮縮小、碳化之後, 再用小磨砂擦輕輕擦, 就完成啦! 我自己連面毛都有做埋, 因除去面毛後上妝會更加貼薄!
試用位置 - 手指毛
用法跟面毛唇毛一樣, 為令脫毛位置更平滑,
我手指會屈起少少
為令大家更明白整個過程, 我就特意分階段試在不同手指上
食指: 完全消滅手指毛, 使用 no!no!hair 2 次, 一星期一次
中指: 消滅部分手指毛, 使用 no!no!hair 1次的效果
無名指: 使用 no!no!hair 1次但沒有用磨砂擦的效果
尾指: 完全沒有使用 no!no!hair 原來的毛髮狀況
試用位置 - 手毛
原來的毛髮狀況
使用 no!no!hair 1次及有用磨砂擦的效果, 明顯變短了, 但隔一星期左右要再做, 就可以更徹底清除手毛
試用位置 - 腋下
腋下已有做過彩光, 所以只餘下很少量的幼毛, 現在只要用 no!no!hair 維持光滑就可以了, 而沒有做過彩光的腋下毛及大小腿上的毛則比較粗及長, 建議先用其他方法去除毛髮後, 待長出一點點後再用 no!no!hair, 效果更好!
總結
機身連基本配套只需要 2千多元, 充電式的設計、輕巧的機身, 可以令用家隨時隨地脫毛, 雖不是永久及有些部位不能即時完全脫光所有毛髮, 但可以令毛髮生長得較慢及不再長粗下去, 的確比很多脫毛方法好呢! 相對於昂貴的激光脫毛, 價錢平而且唔痛確係女士們的恩物! 可以自己隨時脫先, 啱晒我呢啲連Booking去唔到的人! --> 你地睇我連Gel 甲都自己做就知......
4月10日起, Lane Crawford - Times Square, IFC及廣東道專櫃有售
售價: $2388
