2013年4月30日 星期二

復古蕾絲頭飾


這個頭飾是特意為6月份某一個客人而造的, 到時會再加上她婚禮的主題元素, 好期待當日出來的效果喔!!

2013年4月29日 星期一

Mika BB 第一次去Playgroup

 
 
現在唔少家庭, 生小朋友都係一個起, 二個止, 唔少人都當仔女係心頭肉, 唔止父母, 連各大長老都錫晒個孫、外孫, 仲要去到不得之了的地步。因為太珍貴, 當中花係教育的開支多到唔敢想像, 近年仲興起外國風氣, 讀幼稚園之前, 仲會帶小朋友去 Playgroup。
 
最近有 朋友在炮台山開了一家用全新教育理念的兒童教育中心 (簡稱 Playgroup), 我呢個新手媽媽唔太知係咩東東,  立即乘機去觀摩一下。
 

 
 
 
一入去有一塊自家設計的 cartoon wall, 由店主親自製作, 獨一無二!

 
女女Mika第一次去 Playgroup, 當然要係呢個咁特別的 cartoon wall合照啦!!
 
 
 
由於 Mika BB 才半歲人仔, 所以未有任何班可以參加, (我不是怪獸家長的啦!) 所以安排在 Playgroup 的一個空檔來參觀。

 
 
 
地方好大好整潔, 而且備有空氣清新機, 加上日日吸塵、打掃、消毒, 實在令人安心。我完全係由得 Mika 自己碌來碌去。專業導師 Belle 仲同我分享左好多照顧、教導小朋友既心得!!

 
不知是不是因為整個佈置以粉色為主, 女兒十分喜愛呢個場地, 仲同姐姐哥哥玩得好開心, 如果唔係玩到攰要訓覺, 佢完全係唔捨得走呀!
 

黎緊5月中呢度會有一個註冊中醫負責的BB 按摩班, 到時再帶 Mika來觀摩下。黎緊仲會有唔同既優惠添!!!


www.wonderbaby.com.hk
https://www.facebook.com/update_security_info.php?wizard=1#!/wonderbabyhk?fref=ts


2013年4月26日 星期五

姊妹工作分享


很早之前已經收到的照片, 多謝你們當天(Dec 2012) 找了我及我的團隊幫部分姊妹化妝, 攝影師拍出來的照片都是美美的!!

我就是喜歡清雅、乾淨感重又秀氣的妝容!


 
 
 
 
 
 
 
 


2013年4月24日 星期三

petit bazaar


My favorite children’s boutiques in Hong Kong


生了女兒 Mika 之後, 如果有機會行街都會主攻童裝玩具, 因為工作的原故, 最近常常在灣仔附近出沒, 在皇后大道東完全被這間店舖吸引住, 基本上每次行過我都會大破慳囊。




 
 
店內裝潢十分舒服, 又會播放著悅耳的兒歌, 重點這店暫時並未被自由行攻陷, 不會聽到有人大大聲用普通話大叫大嚷, 店員又不會在我身旁推銷, 我可以放輕鬆地看最新的產品, 找最適合女兒穿的衣服及玩具。 
 
 
 
而我特別喜歡上圖的初生兒童系列, 由於女兒還不到六個月大, 很多美美的衣服只有看的份, 但上圖的圍巾, 顏色好看, 圖案也好特別, 穿在身上又可以是衣飾的一部分, 可愛非常。
 
另外我也喜歡一個人手造、用有機綿造的嬰兒系列, 之前我在 PP Lane Crawford 找到的, 想不到這裡也有賣。產品特點就是用綿花的原色 (即是沒有漂白過) 加上紅色圖案, 簡單又舒服。
下圖的睡袋及小枕頭是我在女兒出生前買的。
 
 
 
呢張相在女兒雙滿月時拍的, 天氣凍, 穿了有機綿造的睡袋
 
 
 
 
趁女兒 Mika 同老公玩時拍下的, 最喜這種白配上紅色的印花圖案!
 
 
 
真希望女兒會走路時, 帶她來這店選擇她喜歡的衣服、頭飾、玩具、圖書............
 
 
圖片來自 petit bazaar 官網
 
 

2013年4月22日 星期一

Cat Eye


最近之新嘗試 - Cat Eye with Aqua Blue + Shocking Pink



 
 
 
 
 

2013年4月20日 星期六

KP Private Sale Vol. 2


早前跟 KP 的同事傾計, 佢地話是次的 sale 只係俾 KP 既 Businese Partners 去, 不過到後尾佢地都公開俾 Public 我先至寫出黎既....

下面就係我今次的收獲, 其實仲買多支胭脂掃, 我第一日 5pm左右去到, 都已經買晒, 同事話呢支掃一早係午飯前已經賣晒啦, 果然識貨呀!

 
 
kp 既掃有幾好用, 係早前已經講左 (上文連結) 今次 sale 可以用3, 4折至85折左右就可以買到, 我緊係唔會放過啦, 雖然已經用緊胭脂掃, 可以用唔使 500蚊就可以有多支 spare看門口, 仲可以買埋之前無買的掃, 今次即刻令我差唔多儲齊晒成 set 掃添!
 
 
 
 
由左至由: 大胭脂掃, 胭脂掃, 大眼影掃, 眼影掃, 眼線掃
 
 
 
 
官網話係大胭脂掃, 不過我會用黎做扇掃, 掃走多餘的粉末
  
 
 
 
睇番背後的標籤, 全部掃都列明出產地同埋標價, 今次真係抵左好多呀~ 好似「大胭脂掃」, 原價係 $350, 現在只售 $140.
 
 
 
粉紅色那支是幫朋友買, 而我就買左幻彩色俾自己出 job用, 折左之後只不過係 $100
 
 
 
一支係唇線筆, 一支係眼線筆
 
 
 
因最近所畫的妝容都要用唇線筆才可以做出效果, 雖然呢隻色唔係心目中要的顏色, 但係係最後一支, 同埋只不過係 $70 忍唔住買埋 (唉! 女人呀!)
 
 
 
 
呢支眼線筆超值得推介! 順滑又易上色, 加在眼頭位一流呀!
 
 
 
 
夏天就快黎, 呢支 SPF 35 的防曬 make up base, 因為本身有色, 唔化妝單用都一流呀!
 
 
 
 
 
另外我又買左呢個樸的補充裝, 因為我平時係用 KP 的 2 way cake補妝, 雖然現已推出左新版, 但我還是鐘情舊版!
 
 
 
呢個係新版的濕粉樸, 2邊的材質是不同的, 一邊是海綿狀, 另一邊就係.......
 
 
 
好像是帶膠質網狀的質地
 
 
唔知大家有無留意, 現在好多新出的粉底, 好似泡菜國出的 cushion foundation, 隨盒的濕粉樸都係呢個質地, 用時唔可以拖住上粉, 要印上面架, 咁就可以輕易造出薄貼效果!
 
買左咁多野都唔洗 $2000, 勁抵呀! 去到星期一 ja, 快D去買啦!
 
 



2013年4月19日 星期五

KP Private Sale Vol. 1



 


尋日我去左 KP 係銅鑼灣既 Private Sale, 有好多野都好抵, 去到下星期一 ja, 你地快D去啦!! 有好多野都好抵, 又進貢左4位數字啦!  明天同大家分享!

2013年4月17日 星期三

Loreal go 360 Clean


因為早前買了幾件 Loreal 的護膚品給媽媽, 多了一張 $50 現金劵, 巧合地見到呢隻新出的洗面 Gel 做推廣, $88.4 買一送一, 同埋產品本身附設一個 Scrublet (矽膠洗面擦), 於是就買左下圖呢2支 Loreal  Go 360 Clean 黎試下~

 
 
 
 
 
左: 深層淨化磨砂啫喱
右: 清爽控油潔面啫喱
 
 
 
 
2者都呈透明狀, 而且水水的。 深層淨化磨砂啫喱更含有細細的磨砂粒子。清爽控油潔面啫喱的味道好男生喔, 還是留給李生使用好了。矽膠洗面擦用上面感覺是 OK 的, 不過我都係比較懶, 用左一次之後就無用了。
 
 
左手使用磨砂前
 
 
左手使用磨砂後
 
 
 
再看看沒有用的右手, 分別也挺大的!
 
 
 
 總結質地清爽, 去角質力夠而且不會太強, 平時粗用都唔會肉痛之選。睇官網, 外國已經出左藍色同埋粉紅色系列, 仲有卸妝功能的, 唔知香港幾時有得買呢?
 
 
 
 
 
 
 
 
 
 

2013年4月15日 星期一

Prewedding - 場景設計


今次的 Prewedding 好早之前已經接了, 由於新人的要求與一般有所不同, 他們希望大玩唔同的元素, 為配合新人的性格、喜好, 有部分更是我們精心設計的, 所以今次的拍攝有美術指導的單位, 更花了不少時間去籌備是次的拍攝!

好像下圖, 我們是在一個平靜的石灘上, 將所需的道具全都帶上, 再組合出來的, 因為天氣轉好, 拍出的效果也因此而變得更好! (開心!)

 

 



由於新郎的細佬當天幫忙做司機, 有需要時他更變身成為燈童, 感激萬分!


 


此外, 我們又在新人的家中拍攝, 此乃他們家的天台, 好有渡假 feel 喔!


因題材及天氣的關係, 在3月尾時已拍了一次, 因為拍攝途中下大雨, 所以只好更改地方及縮短拍攝時間!


 

上次拍攝時, 超大霧!! 仲要好大風, 不時覺得好似打緊八號風球咁!

 
 
 
有段時間超大雨, 唯有轉戰機場拍攝! 整個過程充滿笑聲, 大家不忘拍張大合照留念!
 



 
 
 
 
 
在此再一次多謝準新人送給我家女兒 Mika 的禮物, 我女兒好喜歡喔!  Mika 仲可以同一時間學英文及意大利文!!
 
 
 
 

 

2013年4月11日 星期四

客人送的禮物


早前 Pre-Wedding 的客人送我的禮物, 好喜歡喔! 多謝你!!!


2013年4月10日 星期三

變身大改造之一 靈活運用雙眼皮貼


第一次認真去做這個題目......
今次找來本身都熱愛化妝的 Terri 小姐, 感謝她容許我登出她的素顏照!


 

 
雙眼本身又大又圓的 Terri 小姐, 化起妝來, 也有判若兩人的感覺。這次是一個淡而且集中在眼部的化妝。當日連 Terri 小姐也說化妝後, 眼睛似乎大了 1.5 倍, 我覺得化妝後, 令人感覺更加精神奕奕~
 
 
 
 
 Terri 小姐想試一個型格一點的造型, 雖然頭髮比較短, 出來的效果很好喎! 當日 Terri 小姐更說我沒有將她的樣子改變了, 反而加添了一份明星氣質!!

 
 
 
 
 
 
下圖是眼部的 Close up,  Terri 小姐本身的眼睛又大又圓又有神, 而且天生的雙眼皮早就是令我流口水的級別。化妝後的眼睛更有神的秘密就是...........
 

 
 
 
 
我首次用在客人身上的雙眼皮貼。平常的我喜歡用剪刀, 在一卷膠紙將所需要的雙眼皮貼剪出來, 因早前發現自己年紀大了, 左邊的雙眼皮比數年前較鬆, 所以買了下圖的雙眼皮貼自用, 效果一流! 要知道我一起床至出門口, 時間的確太短, 再沒有時間慢慢化個靚妝啦.....(慘!)
 
已剪好的雙眼皮貼用時超方便, 只要用一個鉗子將雙眼皮貼鉗出來, 再貼在雙眼皮線上, 就可以令已有雙眼皮的眼睛, 有更明顯的雙眼皮!
 
粗的那種可以令雙眼皮與眼睛的距離加長, 營造超大眼的效果。當日Terri 小姐完妝, 有一邊眼是用粗的, 有一邊眼是用幼的, 原因是她有一邊眼睛的雙眼皮較重, 需要更大的力量將雙眼皮向上推, 才可以令兩隻眼出來的效果平均。要知道我們左右兩邊面, 看似差不多, 細心睇其實兩邊面的差別也可以很大的呢!
 
 
 
 
 
講左咁耐, 咁點為之好既雙眼皮貼呢?
 
1. 黏貼力夠及持久, 不易被眼皮推開 (唔好既雙眼皮貼, 貼耐左會移位! )
2. 啞色及不反光, 即使閉起雙眼也不易發現
3. 易上色, 可以在上面加上眼影而其顯色度要跟旁邊沒貼上雙眼皮貼的皮膚差不多
 
下圖我是用Launsol cream 狀眼影來做測試的
 
 
 
 
 
 
當用眼影不斷推疊上去, 依然顯色, 當然在雙眼皮貼的位置, 宜多加眼影顏色才會比旁邊沒貼雙眼皮貼的地方接近。另外可能我用了微距功能, 拍出來的令大家覺得雙眼皮比較明顯, 現場其實唔係咁明顯架! 哈哈!!