Rubis of Switzerland – 超好用眉鉗

 

仍記得自己在初中時, 對化妝美容已經有很濃厚的興趣, 往往在放學後流連 莎X及卓X, 又會很順手買個眉鉗幫自己修眉(其實咩都唔識, 只係拔眉周圍的雜毛咁大把), 因為十蚊八蚊就有交易丫麻! (笑!)

 

 

但係呢D眉鉗只可以拔到生得長又粗的眉毛, 如果係剛剛生出黎的小毛毛, 就未必幫到手啦。人大左, 時間不自覺地少左好多, 已經唔想花太多時間去處理這種小事, 如果有一個眉鉗可以係眉毛一出果陣, 就可以拔出來, 你話幾好呢! 係大學時期就已經開始用既Rubis of Switzerland 眉鉗, 可以話係我用過咁多個眉鉗之中最好既一個, 佢的鉗位打磨到超簿, 鋼水一流!


除左可以拔小毛毛, 仲有一個絕讚的功能, 就係可以將鼻上冒出的白頭拔出來, 呢個唔係我講架, 係保養大王牛爾老師教的! 唔信睇下下面條片~~

 

 

呢個係我第2把Rubis of Switzerland 眉鉗了, 已經用左超過5年啦! 原本係有粒有色既石, 不過唔見左, 我自己貼左另一粒可上去

 

第一把是全黑色的, 不過用左唔係好耐跌左落地, 就跌壞個鉗咀啦, 大家用時記得小心保護, 唔係就會好似我咁肉痛到暈了。

睇埋下圖, 你就會明Rubis of Switzerland 眉鉗同一般的眉鉗有咩分別, 你地咁聰明, 唔洗我畫公仔畫埋出腸啦, 哈哈!!