The roaring twenties bridal cap

 

 

*圖片在網路中尋找的

最近心血來潮, 很想自己一手一腳、一針一線去做頭飾
其中最令我感興趣就是這頂Bridal Cap單是做帽的部分已經花去了很多時間
其次就是製作布花, 手做花蕊, 再配上加工過的羽毛, 做成旁邊的擺設

 

 

我的Bridal Cap還剩下最後一個部驟, 就是將選好的珠材一顆一顆刺繡在蕾絲上
希望我可以盡快完成這頂Bridal Cap, 看看哪個客人用它來拍美美的照片 (笑)

 

 

掛頭頭飾 - 紅色千金子藤髮梳

做了一個主的 紅色千金子藤髮梳, 之後再做了1大2小的 U PIN 用來配不同的髮型及頭型, 可用部分的千金子藤再配上鮮花來使用

 

 

 

 

化妝品搬家記 - motive 化妝盒

話說出JOB時, 由於有太多化妝品, 大部分的化妝師包括我, 係有鋪拆盒癮, 慕求一次打開就可以有多隻顏色選擇同埋可以慳位。即使再大的化妝箱, 可以放化妝品的空間是有限的, 就此, 我地會想盡任何方法去解決呢個問題。

 

 

早年屬較初入行的階段, 當時用MAC 的眼影盒, 拆去入面的分隔, 就隨意把工作時用的胭脂、陰影、光影、眼影、眉粉之類的化妝品盡量放入盒子之內。由於MAC 的眼影盒是用硬膠製成的, 只要化妝箱走在較崎嶇的路, 有時助手稍有不小心, 整個盒子掉在地上, 好彩的話盒子及化妝品都沒有事, 唔好彩的話, 部分化妝品跌碎, 我個心都碎一碎。早排的旺季入面, 我更加出現了更壞的情況, 就是化妝品跌碎, 盒子也跌碎了。

有見及此, 決心要為我的化妝品找個新家!

 

 

呢四盒已經可以化到大部分既妝架啦!

 

新家就是使用美國化妝品牌Motives, 這個化妝盒好處是用紙造的, 點撞點壓都唔會點樣爛, 最多都係‘un’花少少者。而且佢內置磁石片, 一般的化妝金屬兜仔都會吸得住, 係膠既就沒辦法加少少雙面膠紙啦。紙造又有另一個好處, 就係輕身, 再度幫我減輕化妝品的重量! 大家又睇唔睇得出呢四個盒入面有啲咩?

另外, 呢個唇膏盒買左之後, 想買多個都已經無晒啦! 如果買到又可以將我新買的唇拆細放入去了……如果大家係街見到, 不妨講我知丫!

 

 

 

 

時時享有高清感覺

配一副新眼鏡, 大家好多時都會好注重鏡框是不是跟自己的面形配襯，當決定好鏡框，好多時都係眼鏡店的哥哥問我想唔想配玻璃鏡，如果唔想既話，佢地都會幫我地整不易刮花、防反光的standard鏡。

其實有唔少人都配左防UV的鏡片，我由小學五年級戴眼鏡至今，從來都無意欲去配，無錯漸進的鏡片無疑令眼睛可慢慢適應，但係有時想鏡片變回透明又不能夠立即做到，始終我的工作是不能夠受到其他光差 (盡量令能力範圍內的光差減少) 所影響，你話如果有一個制一按就變成有色防UV鏡片，再按一按就變回透明鏡片你話幾好呢！！

 

早前同友人去一家挺不錯的餐廳，影得唔錯，但係。。。

 

張相個反光遮住左對眼呀，本身果日人地個妝化得唔錯架麻。。。咁就睇唔到啦！

話說有次陪李生去換鏡片，李生呢。。係一個好難配到副啱心水的眼鏡既人，佢副‘阿媽lee’唔係戴左好耐，成日影相攪到副鏡片花到無朋友。咁係等佢的過程中，我又係度試眼鏡，仲要試到副連李生都覺得好睇既眼鏡，咁李生就俾我配啦 (其時戴緊的眼鏡，配左唔夠半年)。由於係樓上鋪既關係，價錢係超值呀！

做緊Promotion，只要加多250蚊就可以升級MR.做代言既高清鏡片, 咁抵！諗都唔洗諗緊係升級啦！！宜家照鏡、影相，就好似只係戴住個框咁，個人精神晒呀！加上現在係眼鏡邊，唔會再見唔到一個圈又一個圈，咁就唔會俾人似為我個大近視呀！

 

呢張係最近影既相，我其實係企左係戶外的大光燈前面影架！係相度，我簡直係一D反光都無，真係要大大聲講：「高清到好似無戴既一樣呀！」

 

仲有張保養卡，包2年鍍膜保養添！

 

新年去拜年仲辛苦過返工

新年去拜年仲辛苦過返工

 

今年新年絕讚地只要多請2天假，整個新年假就可以由5天延長至9天。自從囡囡mika出世後，就變得好受歡迎啦......

 

2月9日 (年廿九)

全家大掃除

2月10日 (初一)

李生舅父的家拜年及晚飯

 

 

2月11日 (初二)

1.      我女麻女麻家附近飲茶兼拜年

2.      我姨媽家拜年

3.      李生三姨家拜年及晚飯

 

2月12日 (初三)

家中睇風水

Mika 百日宴

 

2月13日 (初四)

小優家拜年

 

 

2月14日 (初五)

睇風水後, 找朋友來度尺

到朋友家吃生日飯

 

 

 
 

2月15日 (初六)

李生作感冒, 稍作休息

 

2月16日 (初七)

井頭BBQ

 

 

2月17日 (初八)

小學同學下午茶聚會

 

 

Jennifer 家拜年及晚飯

 

每一日的工作就好似一個流水宴咁

起身梳洗 -> 換衫化妝 -> 同mika沖涼涼 -> 餵奶奶 -> mika 小睡 -> 幫mika換衫 -> 出發拜年 -> 回家- >  幫mika抺身 -> 餵奶奶 -> 逗 mika 睡 -> 到我沖涼 -> 睡覺

 

整個假期都無咩點休息，2月18日依然拖著疲累的身軀上班……

 

產品試用

Enary moisture cream and loose powder

粉底多多既我, 係去年10月份已經敗左呢2件產品回來, 用左幾個月之後, 終於可以寫一個比較中肯的試用報告。

 

呢隻粉底標榜成分天然、低致敏、弱酸性、含甲殼素為賣點，為配合日本女生不想丈夫或男友看到自己素顏的樣子而研究的sleeping foundation, 標榜可以睡眠時使用。非常適合長時間化妝人士, 不易溶妝。不過我用左咁耐,真係無試過overnight用, 最多都係太累, 唔記得左落妝, 用紅水抹抹面先訓。 

 

一打開粉底包裝，水潤非常，不過只有3隻色選購，而且行且3隻色都跳Tone得緊要，不太適合出 job時供客人使用，只會作自用!

希望呢張本人既素顏照無嚇親大家

﹣膚色明顯不均勻
﹣千年黑眼圈

 只上粉底的效果

﹣膚色較均勻

﹣千年黑眼圈依然可見

 

上粉底加遮暇膏的效果

只要加上少許遮暇膏，就已經可以出去見得下人架啦！ 同素顏相比已有很明顯的分別!









用左呢幾個月, 我發覺

1. 用少左遮暇膏

2. 補妝的次數很少，不易脫妝

3. 不易出紋
4.  面及鼻上既油脂粒少左很多 --> 我覺得呢個功能值得一讚

**唔好既係, 要用棒棒取粉底, 同埋粉底顏色選擇太少, 膚色太黑的人不用考慮。同埋我買既時候, 2個產品都無貨, 唔知係產品太好賣丫, 定係根本係日本訂好少黎香港？只係買碎粉同粉底通2個產品，就要分開2次去拎, 比較麻煩。

 

碎粉方面, 只得一隻顏色, 而且仲帶有閃粉, 仲要係好大粒果隻（呢幅圖已是比較似實物，肉眼睇閃粉係更大顆更閃）。第一次打開, 真係有後悔的感覺, 係唔係我買左身體碎粉？？因為自己一路只喜歡La Mer 05的帶閃碎粉 (呢個待日後詳談), 閃粉細到肉眼都睇唔易睇到既。

但係Enary loose powder 上左面之後, 出奇既咁自然, 仲無閃閃下既感覺! 唔錯唔錯, 可惜粉盒太大, 一啲都唔易拎出街, 所以隨身我都係用番至愛既KP粉餅。

總結, 如果本身Budget較高而又唔想成日出酒米、油脂粒者可以考慮。中環置地Harvey Nichols 9 Beauty專櫃有售。